啦啦小姐：
好一句「使命必達」，就睇你係咪我給的使命都必達!!!
說起來我也遇過「以為我年終無休」的貴人，他在一個星期日致電「問候」，令我心感「溫暖」。那是一位某廣告公司的同事，在某個我要出席event工作的星期日，表面打來關心，實質是來追擊！為了保留原汁原味的「溫暖」，我將當日對話照錄如下：
我：「喂？」
佢：「喂~~係邊呀？」（請注意！扮friend的語氣，連自己係邊個都無講，老奉要人知佢係邊個！）
我：「哦？我出左event做野，有野幫到你？」
佢：「係呀!!個客有野要改，都幾多下，你快點抄低！」
我：「我而家個event on緊show，無紙筆在手，方唔方便聽朝搵你？或者你mark低send俾我，我聽朝改俾你。」
佢：「下？我諗住快點講你知，你可以即刻叫designer改俾我丫嘛，你知個客煩架啦~~而家改完俾佢，佢一陣睇完仲要改嘛！」
我：「今日同事都放假呀~~你而家講左都係聽朝先改呀！」（死唔肯收線，妄顧別人當下的工作！）
佢：「下？乜你地星期日有假放架咩？」
我：「下？係呀！你唔放架咩？我而家OT緊架！」
佢：「我以為你地星期六、日都返工！」
我：「唔係呀！我地星期六、日都放假！」
真係火滾！呢位同事已經星期一至星期五，由早上十點到晚上十一點都可以找到我幫佢改稿，仲要即刻改番俾佢，咁我星期六、日放假有幾咁奇？我當時火燒心忘了問佢意見：
「咁你以為我應該幾時先放假？」
還有另一次經歷，令我十分懷疑，係咪所有廣告公司都係年終無休。
那是跟另一間廣告公司交手的事，某貴客的幾版稿，在影相前給了一次brief，在看到first layout後，覺得不是那回事，所以給了另一個brief，再改再brief，如是者，本是給了三個不同的要求，繼而再來三個brief，將之前幾個brief的內容重組出不同配搭，逐一試試。又如是者，這幾版稿在四天內，字與layout均做了20個version（因為每改一轉layout轉一次jpeg都會mark version number，所以我好記得，又為免佢改返轉頭，呢份稿的artwork file都save as左十個file！在雜誌一般散稿來說，這可算是一個紀錄！）
好了，到了必須out稿的星期五，終於試到貴客想要的東西，便開始執字粒，從下午開始成段改，改到捉字捉句改（要注意呢幾版稿有十段字！），廣告公司同事向我說出貴客在某句想要表達的意思，我建議了一種寫法，但不被接納，然後對方會建議我採用佢預先準備好的寫法；好了，改多三兩轉後，又叫我用番之前邊個layout的寫法，好彩我有save，唔係都唔知邊個打邊個version！我原以為開始改返轉頭就即是見岸，其實是我太天真！這些字粒，執到凌晨四點還在執，全間公司只剩我與designer二人，但實情執字粒又不需要desiger執，他坐著無事做在釣魚，我又因為之後要output而不能放他走，實在大家都覺得很痛苦，改到唔知為乜。
點知，這時候廣告公司那位同事，興致勃勃打來催稿，還跟我說：
「你果邊咁靜既？我地呢邊好熱鬧，阿客都過左唻食宵夜等睇稿呀！」
xyz!@#$%^&*(*&^%！！！我飯都未食呀！宵夜！！！
最後此稿改到翌日清晨六點，第43個version才了事。
我不敢否定這世上真有人熱愛工作至年終無休，也不認為他們有錯，但凡事也不該用自己把尺來度人吧！你不需要休息可別要我陪你，我認為有效確定的brief和在指定時間內盡力準確完成工作，就是最好的作品。無了期的改只會壞大事，尤其是無謂的工序，不但浪費時間，更浪費資源，為了改那十個字的句子，浪費了多少燈油火蠟冷氣資源？為了print稿出來對色對字，浪費了多少樹木的生命？最重要是因你愛熱鬧的工作而浪費了我的青春！
我愛我的工作，但不等於我不愛我的生活，做創作的人最需要的是生活，沒有好好的體驗生活，又如何有input，沒input又如何給你一個星期不停的output？
好了，休假中的我也實在太多牢騷了，想補充一下你說沒有人會在沒有觀眾的舞台表演，其實在沒有觀眾的時候，我們還得在後台打點呢！雖然周六、周日，我們表面上是放假，但我們常常也沒有專心地放假，而腦裡總注視著工作的事情，如周末行街是為了買props，留在家裡攤抖的同時也在努力寫稿、做dummy、搵reference等等。實在稱不上忘了時間的鐘，因我是沒有時間的淙~~~
駐柬埔寨速遞員
淙
沒有留言:
張貼留言